Toppeintak

Hann var ótrúlega sprækur og hress hinn aldargamli Kristján Jónsson bróðir hans afa míns sem var sóttur heim í morgun. Hann minnti óneitanlega á afa og bræður hans og upp rifjuðust margar minningar frá því að margnefnd var smástelpa. Hann var fæddur í Vatnsfjarðarseli í Ísafjarðardjúpi í apríl 1908 en ólst upp fram að sjö ára aldri í Efstadal. Eftir að faðir hans dó var hann sendur í fóstur að Veðrará í Önundafirði. Hann er ótrúlega ern og sér um sig sjálfur, eldar allan mat og hugsar um garðinn sinn af alúð. Það var alveg einstaklega gaman að fá að hitta hann og gleðilegt að hafa nýtt daginn í þessa merku heimsókn.

Athugasemdir

[Auður (IP-tala skráð) 4.1.2009 kl. 11:47]

Svakalega eru þeir líkir bræðurnir.  Þetta gæti verið mynd af honum afa.

[Magga Lilja (IP-tala skráð) 4.1.2009 kl. 14:58]

Alveg er ég sammála Auði þeir eru mjög líkir.Ef hann er eitthvað líkur afa þínum í sér þá er hann örugglega einstakt góðmenni það þekki ég af eigin reynslu. Gleðilegt ár