Fullt hús stiga

Spilavistin tókst afskaplega vel í alla staði og mikið kapp var lagt á að fá sem flest stigin og vinna sem flesta slagina. Mæja Ólafs fékk flestu stigin eftir þrjú spilakvöld en hún er einstaklega heppin í spilum og fékk að launum miða á jólahlaðborð í Einarshúsi fyrir jólin fyrir tvo. Frí verður tekið á spilavist fram yfir jólin enda næg verkefni sem liggja fyrir spilafíklum á aðventunni og lag að líta upp frá vistinni smástund.

 

 

Í Kjallaranum skemmti sprikklhópur sér í lokahófi eftir að hafa tekið á því um tíma um tíma og gædd sér á hinni einu sönnu gúllassúpu hússins. Hún er frábærlega góð og girnileg og bragðlaukarnir bókstaflega öskra af kæti þegar hún er framreidd. Brandarar voru látnir fjúka og skemmtiatriði voru í hávegum höfð enda allri glaðir og hressir eftir stíft prógramm undanfarinna mánaða.

 

 

Athugasemdir

[Magga Lilja (IP-tala skráð) 23.11.2008 kl. 22:35]

Súpan er alveg með eindæmum góð.

[Ragna Jóhanna Magnúsdóttir , 24.11.2008 kl. 22:18]

Já alveg hreint guðdómleg