Hvernig stendur á því ?

Hvernig stendur á því að Vertinn þurfti að veðsetja sál sína og allar eignir til að fá örfáar milljónir að láni til að geta til að geta komið þaki yfir höfuðið og byggt upp fyrirtæki, meðan aðrir gátu fengið milljarða að láni til kaupa á hlutabréfum sem urðu kannski verðlaus strax í kjölfarið??

Hvernig stendur á því að Vertinn gat ekki fengið lán með veði í ferðamönnum sem áttu eftir að koma vestur, meðan aðrir gátu fengið nánast ótakmörkuð lán með veði í fiskinum í sjónum sem átti eftir að veiða??

Hvernig stendur eiginlega á þessu??

 

Athugasemdir

[Þura (IP-tala skráð) 21.11.2008 kl. 10:54]

Ragna mín sko þú hefðir átt að bjóða þeim veð í bjórnum sem eftir er að drekka þá hefðir þú kanski fengið nokkrar millur í viðbót.Kveðja frá Grimsby

[Friðrik Jóhannsson ferðabóndi Grunnavík (IP-tala skráð) 21.11.2008 kl. 19:33]

Ja há kannast við ástandið varðandi jafnvel fyrirgreiðslu til einnar viku upp á 93.500 til að legja 400 kg. af þoski sem sem ég hafði landað framyfir: Aflinn var kominn inn á gólf hjá markaðnum og búið að selja : þeir bankar sem ég leitaði til um fyrirgreiðslu þorðu ekki að lána fyrir þessari risaupphæð til einnar viku af því  það er ekki fastur kvóti á bátnum þá er hann ekki veðhæfur: samt má ekki lögum samkvæmt veðsetja aflaheimildir:hvert erum við að stefna með þetta allt saman:

Jájá ég ætla næst að fara með mattadorpeningana mína út í banka eftir helgi og gá hvort er hægt að skifta þeim þi evrur: af hverju ekki ? 

[Erla (IP-tala skráð) 21.11.2008 kl. 21:45]

 Ragna mín þegar stórt er spurt verður fátt um svör.

  Kveðja að sunnan Erla

[Gunnar Hallsson (IP-tala skráð) 22.11.2008 kl. 14:12]

Nú er Vertinn farin að spyrja grundvallaspurninga.

[Auður (IP-tala skráð) 24.11.2008 kl. 10:51]

Já.  Þetta er ekki vandamál hjá mér, við stofnuðum nýlega fyrirtækið Svik og prettir ehf. og fengum strax 10 milljarða lán...  Smáaurar náttúrulega en betra en ekkert.

[Ragna Jóhanna Magnúsdóttir , 24.11.2008 kl. 23:31]

Seig ertu Auður. Vildi að ég væri jafn óforskömmuð og þú