Gott meðal

Það þarf auðvitað ekki að spurja að því að Vertinn tók sig afar vel út í boði stöðvar tvö í þætti Jóns Ársæls, Sjálfstæðu fólki, í gærkvöldi. Heilagleikinn draup af ásjónu títtnefndrar og fasið lyfti þættinum á enn hærra plan. Læknirinn lék auðvitað aðalhlutverkið og kunni setningarnar sínar  utanað enda vanur að bregða sér í allra kvikinda líki án teljandi vandræða.  Hann er fjölhæfur karl og kann eitt og annað fyrir sér og hefur trúlega ratað í þáttinn þess vegna. Læknirinn varpaði fram góðum ráðum til íslensku þjóðarinnar til að halda heilsu gegnum þrengingar sem nú ríða yfir og hvetur alla þá, sem hafa náttúruna í lagi á annað borð, að njóta ásta einu sinni í viku. Vertinn telur tilhlýðilegt að bæta við þann meðalakúr og hvetja alla til að koma og borða heitan mat í hádeginu til að hafa næga orku í herlegheitin og koma svo hressir og sprækir í Kjallarann á helgum. Ef farið er eftir þessum lyfseðli er ekkert að óttast og lífið verður ljúft í framhaldinu. 

 

 

Athugasemdir

[Gudrún Hauksdótttir, 14.10.2008 kl. 07:00]

Nú er bloggvinkona mín Vertinn sjálfur  frægur???

Trúi ad tú hafir stadid tig vel enda ertu gódur penni og örugglega gód í mörgu ödru líka.

Knús á tig inn í gódann dag.

[Ragna Jóhanna Magnúsdóttir , 14.10.2008 kl. 09:17]

Takk fyrir góðar kveðjur inn í daginn og áttu góðan dag sömuleiðis