Von

Vertinn í Víkinni telur nú enn brýnna en áður að slá á bölsýni og bölmóð enda hefur það verið keppikefli margnefndrar að vera bjartsýn og jákvæð í bloggskrifum sínum. Engin breyting verður þar á þrátt fyrir fréttir dagsins í dag um sviptingar í fjármálaheiminum. Vertinn sér fjölmörg tækifæri í stöðunni og hefur tekið þá ákvörðun að halda haus og brosa framan í heiminn. Krakkarnir á myndinni brostu einnig framan í heiminn á stóðréttunum á sl. helgi er sólin baðaði þau í geislum sínum enda lék allt í lyndi hjá þeim þá eins og nú. Þetta er fríður hópur sem heldur þéttingsfast saman líkt og þjóðin þarf að gera nú á þessum umbrotatímum. Bolungarvíkin mun áfram vera nafli alheimsins og bjargföst er sú trú að hjartað muni halda áfram að slá með sama takti og áður í túninu heima.

Athugasemdir

[Gudrún Hauksdótttir, 7.10.2008 kl. 09:05]

Gott ad fá smá jákvædnistal.Takk,takk

Knús inn í gódann dag.

[Ragna Jóhanna Magnúsdóttir , 7.10.2008 kl. 11:26]

Sömuleiðis áttu góðan dag í Danaveldi

[Höskuldur lögga (IP-tala skráð) 7.10.2008 kl. 11:47]

eitthvað reyndi ég nú að hafa samband til að athuga hvort að ekki yrði kíkt við ,,,,,,,,,,,,,,,,,,,, en það varð nú ekki....

[Ragna Jóhanna Magnúsdóttir , 7.10.2008 kl. 12:42]

Dulúðug skilaboð bárust þess efnis á símann og grunur vaknaði strax að sjarmör allra sveita i Húnaþingi væri að leggja snörur fyrir títtnefnda. Það er þó þannig að þegar tignir gestir heiðra sveitir landsins með nærveru sinni verða þegnarnir að leggja sig fram um að mæta á staðinn og berja dásemdina augum í allri sinni mynd.

Ég hefði svo sannarlega þegið að hitta þig innan um aðra graðfola í réttinni um helgina,,,,,,,en það varð nú ekki.....