Minnstu munaði...

Sólin baðaði Vestfirðingana á stóðréttum í Víðidalnum um helgina og létu vel að Vertinum og hennar skylduliði. Auðvitað vakti títtnefnd óskipta athygli sveitamanna í þessu landbúnaðarhéraði enda hefur önnur eins tískudrós aldrei prílað milli dilka í þessari margumtöluðu Víðidalstungurétt. Glingrið vafðist utan um margnefnda og minnstu munaði að Vertinn í Víkinni yrði boðin upp í misgripum fyrir folald undan landsfrægum hesti úr sveitinni. Folaldið var slegið á fjórtánhundruð þúsund krónur í fyrsta, öðru og þriðja en trúlega hefur útlit og atgervi Vertsins blindað þann sem bauð í og gert það að verkum að því fór sem fór.  Kreppan virðist ekki hafa náð til forríkra hestamanna ef eitthvað er að marka þetta uppboð á skepnunni og eitthvað klink virðist vera eftir í vösum þeirra sem eitt sinn áttu miklu meira en nóg til hnífs og skeiðar.

Athugasemdir

[Gudrún Hauksdótttir, 6.10.2008 kl. 11:41]

Tískuheimurinn nær semsagt alla leid á vestfirdina Tad er gott ad einhver á afgang,bara tví midur ekki ég.

Eigdu gódann dag.