Systkin

Fékk senda þessa fallegu mynd af prúðbúnum systkinum á hátíðarstund. Eitthvað hefur tognað úr Vertinum síðan þessi mynd var tekin en glögg má þó sjá að svipurinn leynir sér ekki og hárið er jafn hrokkið þá og nú. Þarna lítur lítil snót í myndavélina með spyrjandi augnaráði og lesa má út úr svipnum hversu forvitin hún er fyrir komandi framtíð. Stelpan hefur staðið sig þokkalega vel og getur enn litið glaðbeitt í myndavélina og bíður enn framtíðar með forvitni. Þarna vissi hún ekki að tíminn er fugl sem flýgur hratt og að lífið líður áfram með ógnarhraða. Þarna lifði hún bara áhyggjulaus fyrir líðandi stund.

Athugasemdir

[Halla Signý Kristjánsdóttir, 12.1.2008 kl. 10:31]

Þetta gæti verið mynd af Lilju!!

[Ragna Jóhanna Magnúsdóttir , 12.1.2008 kl. 16:19]

Það er ekki leiðum að líkjast.

Heyrði þó eitt sinn að heppilegra teldist ef börnin líktust feðrum sínum því þá væri tryggt að þau væru rétt feðruð Lilja sver sig reyndar mikið í föðurættina sína líka og margir halda að föðursystir hennar eigi hana með húð og hári. Af því má glögg sjá að sami fríðleikssvipurinn virðist ríkjandi í báðum þessum ættum.

[MaggaLilja (IP-tala skráð) 14.1.2008 kl. 12:28]

Hefði getað svarið að þetta væri Lilja