Ný myndasería

Búið er að raða samviskulega nýjum myndum frá árshátíð Einarshúss um helgina inn í myndaalbúm. Með auðveldum hætti er hægt að skoða þær gaumgæfilega hér á síðunni í myndaalbúmi hér til hliðar. Tekið skal þó sérstaklega fram að sumar myndirnar eru ekki fyrir viðkvæma og hjartveikt fólk er beðið um að hafa eitthvað hjartastyrkjandi við höndina ef bera fer á aðsvifum eða yfirliðum. Veislugestir slógu á létta strengi þetta kvöld og skemmtu sér hið besta fram á rauða nóttina og segja má með sanni að maður hafi verið manns gaman. Brúka þurfti allskyns fatnað héðan og þaðan, auk þess sem aukahlutir voru notaðir til að krydda skemmtiatriðin svo um munaði og féll það vel í kramið. Þorsteinn Haukur umboðsmaður Vífilfells hér vestra mundaði myndavélina af mikilli fimi og tók myndirnar.  

Athugasemdir

[VestfjarðarHaukurinn (IP-tala skráð) 18.11.2007 kl. 20:29]

Þvílík skemmtun. Frá bært kvöld og hin nýja útfærsla á Öskubusku á fullt erindi á fjalir fínni leikhúsa þessa lands, lol.

Kærar þakki fyrir okkur, Þ.Haukur og Lilja