Mæja Bet spyrill í Kjallarakeppni

Kominn er tími til að geta þess að engin önnur en kjarnakerlingin og hin kostulega Mæja Bet er spyrill í Kjallarakeppni næsta föstudagskvöld. Farið verður óhefðbundnar leiðir í vali á spurningum og framsetning þeirra verður með nýstárlegum hætti. Látbragð og líkamshreyfingar verða óspart notaðar eftir því sem Vertinn kemst næst og mannleg túlkun í bland við myndir af hinum og þessum verða brúkaðar við minnsta tilefni. Auk þess verða allskyns búkhljóð óspart notuð við gjörninginn ef svo ber undir. Ég myndi ekki missa af Kjallarakeppninni ef ég væri þið og ætli Vertinn í Vikinni verði ekki í góðu skapi þetta kvöld og bjóði upp á tvo kolamola á verði eins úr gömlu kolageymslunni til miðnættis. Kjallarakeppnin byrjar upp úr kl. 22:30 og betra er að koma fróður um alla skapaða hluti og í rétta gallanum, með góða skapið og hafa léttu lundina meðferðis.

Athugasemdir

[Ilmur (IP-tala skráð) 31.10.2007 kl. 21:37]

Blessuð Ragna, 

langaði bara að forvitnast hvort von væri á trúbador í Kjallarann á næstu helgi?

Kveðja,

Ilmur  

[Ragna Jóhanna Magnúsdóttir , 31.10.2007 kl. 23:20]

Denni mætir  galvaskur á laugardagskvöldið og mun syngja fyrir þig og þína með mikilli ánægju