Einarshús á þjóðhátíðardaginn

Þjóðhátiðardagurinn er væntanlegur og mikið um að vera í bænum að vanda. Vertinn verður með dýrindis kaffihlaðborð og opnar í leiðinni sýningu á gömlum myndum Lárusar Benediktssonar sem mun verða varpað upp á skjáinn í Kjallaranum í sumar fyrir gesti og gangandi. Lárus hefur verið að safna gömlum myndum af húsum, bátum og ýmsu fleira efni tengdu Bolungarvík í tíu ár og á orðin stórt safn mynda sem einstklega skemmtilegt er að skoða.   

Kjötsúpan sló í gegn í hádeginu í dag og húsið fylltist enda var ég búin að lofa bragðgóðri súpu sem myndi kitla bragðlaukanna. Ég stend venjulega við það sem ég segi. Óveðursský skaut upp kollinum sem setti Vertinn út af laginu um stund. Bolungarvíkurkaupstaður auglýsir dagskrá þjóðhátíðardagsins í dreifibréfi sem sent er í hvert hús og notar tækifærið að auglýsa viðburði hjá samkeppnisaðila mínum í leiðinni. Það er súrt að þurfa að reka fyrirtæki í slíku umhverfi og mér féllust hendur eitt augnablik.  Litlu munaði að ég semdi við Finnboga Bernódusson í Mjöllni og fengi hann til að smíða fyrir mig svo stór hjól að þau gætu passað undir Einarshúsið svo ég gæti tryllað því í burtu ásamt öllu mínu hafurtaski en ég veit að það myndi ekkert þýða að biðja Finnboga slíkrar bónar því hann vill hafa mig hér í bænum. Hann hefur á mér miklar mætur og virðir mig og það sem ég er að gera enda ríkir gagnkvæm virðing okkar á milli. Sem betur fer eru svo margir í Víkinni fögru sem eru  traustir þegar á reynir og styðja við bakið á mér og leiða mig styrkri hendi þegar blæs á móti og það er ástæðan fyrir því að hér hef ég fest mínar rætur.  

En maður brosir í gegnum tárin og heldur áfram enda ekkert annað að gera. Ég reyni að hafa það hugfast að bros getur dimmu í dagsljós breytt.  Ég verð aftur komin með sól í sinni þegar ég blogga næst.

Athugasemdir

[Guðjon Magnússon (IP-tala skráð) 16.6.2007 kl. 00:24]

Eg hangi afturí ef Finnbogi getur! Ja einhvern tíman hefði einhvað verið sagt!!!!!!!

[Erla (IP-tala skráð) 16.6.2007 kl. 16:20]

Sæl Ragna þú stendur nú svona smáræði af þér þú hefur nú staðið annað eins af þér.  Blása svolítið kröftuglega og setja síðan upp brosið. Gangi þér allt í haginn. KV Erla V.

[Auður (IP-tala skráð) 16.6.2007 kl. 17:13]

Hæhæ komin aftur eftir skemmtilegt ferðalag í úttlöndum.

Annars þetta með dreifibréfið...voru auglýsingar í því ekki aðgengilegar fyrir alla?  Væntanlega hafa þeir sem fengu auglýsingu í dreifibréfi sem er kostað af sjóði bæjarbúa þurft að borga eitthvað fyrir brúsann eða hvað?

p.s sendu inn uppskrift af kjötsúpunni

Kveðja Auður.

[Jón Jónsson (IP-tala skráð) 21.6.2007 kl. 10:02]

Bíddu nú við.  Fékkst þú ekki Einarshúsið á slikk, niðurfelld fasteignagjöld og helling af opinberum styrkjum.  Það er eðlilegt að þú viljir meiri stuðning frá bænum eða hvað, þú hefur fengið allt meðan aðrir fá ekkert.  Hættu þessu væli bara og hugsaðu um það sem þú ert að gera, ekki hvað aðrir gera.