Klætt í kjól og hvítt

Verið er að klæða Einarshúsið í sparifötin og áður en varir verður það ekki lengur ljótasta húsið í bænum heldur hin mesta bæjarprýði. Ég heyri greinlega hjartsláttinn bærast í brjósti hússins með hverju handtaki hagleikssmiða sem vinna nú hörðum höndum við að setja á það bárujárn og færa það í upprunanlegt horf. Brátt getur þetta glæsilega hús speglað sig með stolti í pollinum hér við smábátabryggjuna og séð hversu fallegt það er orðið og endurlifað gamla tíma þegar húsið var nýbyggt og eitt hið fallegasta á landinu. Án efa hefði húsið verið jafnað við jörðu með öllum þeim minningum sem það hefur að geyma og allri þeirri sögu sem liggur í hverri fjöl, hverjum krók og kima ef enginn hefði tekið það upp á sína arma og hlúð að því eins og við. Ég er þess fullviss að löngu horfnir íbúar Einarshúss fylgjast  með þessum stórframkvæmdum með vökulum augum og mikilli velþóknun. Við tilheyrum sögu hússins núna og það er ekki amalegt að sagan mín skuli vera umvafin sögu þessara stórmenna sem búið hafa í þessu merka húsi

Athugasemdir

[Guja (IP-tala skráð) 15.6.2007 kl. 14:36]

Til hamingju Ragna, hjarta mitt tók aukaslag af gleði þegar ég fór hjá í gær og sá hvað allt er að verða fínt. Það er gott að þetta hús og saga þess skuli hafa fengið ykkur sem vendarengla.