Að heiman

Jæja, þá er það komið í ljós að Vertinn í Víkinni verður að heiman um páska. Ég þarf að fara í blóðflögugjöf á laugardag og aftur á þriðjudaginn kemur á Lansanum og læknaviðtal. Það er svoldið súrt að komast ekki heim en verður maður ekki bara að sætta sig við það sem maður fær ekki breytt?

 Það koma aðrir páskar eftir þessa og þá get ég verið heima.

Athugasemdir

[Sólrún Geirsdóttir (IP-tala skráð) 4.4.2012 kl. 19:53]

Það er leitt að heyra að þú komist ekki vestur um páskana. En eflaust er þetta skynsamleg ákvörðun. Þú verður bara að gefa þig alla í að safna kröftum og leyfa líkamanum að byggja sig upp á ný. Þú kemur bara margefld til baka í vor. Páska- og batakveðjur, kæra vinkona.

[Rósa Sigr.Ásgeirsdóttir (IP-tala skráð) 4.4.2012 kl. 23:52]

Æjjj hvað ég skil þig vel ... heima er alltaf best. En hafðu það rosalega gott um páskana ljúfan mín.

[Ragnhildur Stefánsdóttir (IP-tala skráð) 5.4.2012 kl. 12:03]

Ragna mín mér þykir leitt að heyra að þú komist ekki heim yfir páskana. Okkur líður alltaf best heima, það er nú bara þannig. Það koma aðrir páskar sem þú munt njóta í víkinni. Nú er ekkert verkefni brýnna hjá þér en að ná bata. Gangi þér vel.

[Katrín, 5.4.2012 kl. 12:42]

Það er endalaust verið að reyna þrek þitt og þol Ragna mín og þú stendur undir því eins og öllu öðru sem lífið hefur úthlutað þér. Páskahátíðin er dásamleg hvar sem hún er haldin og nú ríður á að þú komist til góðrar heilsu sem fyrst því það styttist í Þorskinn:) Knús mín kæra