Lítið

Það er frá afskaplega litlu að segja núna enda hef ég verið við rúmið undanfarið. Fór reyndar á bráðamóttökuna í gærkvöldi og dvaldi þar í blóðprufum, þvagprufum og generalprufum svona rétt til að fylgjast með ástandinu langt fram á kvöld. Ég var góð í hvítum en samt leystu þeir mig út með sýklalyfjum svona rétt upp á grín, kannski aðallega til að losna við mig eða þannig. Ég svitna eins og skaðbrennt svín svona annað slagið en það fylgir víst lyfjatökunni. Ég er ekki komin á breytingaraldurinn ef einhverjum hefur dottið það í hug enda er ég bráðung og á langt í það.

Ég gat þó til allrar guðs lukku etið á mig gat af saltkjöti og bollum og það er nú fyrir mestu að geta borða þegar svona stendur á því gott er að hafa aukaforða.

Athugasemdir

[Katrín, 22.2.2012 kl. 21:33]

hehehe..ætli saltkjötið hafi ekki haft eittthvað að segja varðandi svitann:) Gott að heyra með þau hvítu og vonandi helst það þannig. Knús inn í nóttina og gangi þér sem allra best :)