Frekar slöpp

Eitthvað er Vertinn búin að vera þreytt þessa dagana. Ég ligg nú bara mest megnis upp í rúmi og dorma yfir sjónvarpinu. Þetta er einhver vesældómur svona eins og gengur. Ég svitna eins svín og er bara hálfgerður kramaraumingi. Ég hef á tilfinningunni að hvítu blóðkornin séu frekar lág þennan dintinn og þessvegna sé ég svona mikill vesalingur en það lagast vonandi á morgun þegar ég fæ fyrstu sprautuna í belginn en eins og áður fæ ég sprautur kvölds og morgna hér heima til að losa mergfrumurnar út í blóðið.

Ég gat þó farið með ungu foreldrunum í þrívíddarsónar í dag og þar lék litli ömmustrákurinn allskyns kúnstir fyrir okkur og það var svo gaman.

 

 

Athugasemdir

[Sólrún Geirsdóttir (IP-tala skráð) 20.2.2012 kl. 21:41]

Leitt að heyra. Vonandi hressistu sem fyrst. Frábær myndin af ömmustráknum :) Hafðu það sem allra best, kæra vinkona.

[Ragnheiður , 21.2.2012 kl. 05:08]

Farðu vel með þig og þú hressist vonandi við lyfin í dag

[Katrín, 21.2.2012 kl. 20:25]

í þessari vegferð skiptast á góðir dagar og slæmir. Og stundum merkja slæmu dagarnir að eitthvað gott er að gerast. Gangi þér vel í mergfrumusprautunum og ég vona að nú hafi menn talið rétt fram til skatts:) Hvíldu þíg ljúfan, það er nauðsyn fyrir átök morgundagsins.