Dagur 27 - mánudagur

Þetta er búinn að vera tíðindalítill dagur. Hinn og þessi rekið inn nefið og Vertinn haldið sínu striki í prjónaskapnum og lagt sig þess á milli. Fór í Hagkaup í kvöld til að sjá hvort ég gæti ekki keypt einhverjar jólagjafir en þreyttist svo fljótt í bakinu að ég varð að fara heim eftir tíu mínútur. Það er af sem áður var þegar títtnefnd gat gengið stórmarkaði þvera og endilanga og þreyttist aldrei. Þetta mun þó allt lagast með tíð og tíma.

Ég fer í gleðiglundrið klukkan átta í fyrramálið, fer í blóðprufu og hitti Guðmund lækni. Þá byrjar 11 daga törn og ég rétt næ að klára fyrir jól sem verður gott.

Læt í mér heyra aftur á morgun

Athugasemdir

[Arna (IP-tala skráð) 12.12.2011 kl. 23:34]

Knús á þig mín kæra ... þú ert hetja

[Katrín, 12.12.2011 kl. 23:58]

gangi þér vel á morgun sem og alla hina dagana Ragna mín:)

[Gunnhildur Elíasdóttir (IP-tala skráð) 13.12.2011 kl. 08:00]

Gangi þér vel duglega stelpa, þú ert hörkutól.

[Sólrún Geirsdóttir (IP-tala skráð) 13.12.2011 kl. 09:20]

Gangi þér vel í gleðiglundrinu. Vonandi fer það vel í þig. Farðu svo vel með þig í framhaldinu.