Dagur 22 - miðvikudagur

Leið eins og Þyrnirós þegar ég vaknaði enda er ég farin að sofa eins og engill. Farinn að geta snúið mér á alla kanta í rúminu og ég veit ekki hvað. Þegar ég hugsa til baka þá átta ég mig á því að það var æði margt sem ég var bara algjörlega hætt að geta gert og fann ég allskyns ástæður fyrir því sem auðvitað áttu ekki við nein rök að styðjast því þá var sjúkdómurinn farinn að láta á sér kræla.

Ég fékk slökunarnuddið í dag og það var alveg ljómandi gott, lét hana klippa á mér táneglurnar í leiðinni og er því eins og ný til fótanna. Annars stjana allir við mig sem mest þeir mega, svo segja má að ég hafi þjóna á hverjum fingri.

Að öðru leiti hefur þetta verið átakalaus dagur, hef setið og prjónað og borðað og lagt mig inn á milli svo lífið er ljúft og gott.

Vildi bara aðeins láta í mér heyra

Athugasemdir

[Erla (IP-tala skráð) 7.12.2011 kl. 22:20]

  Glæsilegt gott að þér er farið að líða betur Ragna mín. Knús á þig og þína. 

               KV Erla

[Sólrún Geirsdóttir (IP-tala skráð) 7.12.2011 kl. 22:24]

Alltaf gott að heyra frá þér. Gott að allt gengur vel. Knús.

[Katrín, 8.12.2011 kl. 19:23]

Góðar fréttir Ragna mín, að geta snúið sér er nefninlega vanmetin geta:) Láttu áfram fara vel um þig og leyfðu fólkinu þínu að stjana við þig. Knús í hús:)