Dagur 19 - sunnudagur

Varla nokkur skapaður hlutur hefur verið að hrjá títtnefnd í dag nema þá helst leti og eymingjaskapur. Svaf eins og engill hér heima og er búin að vera hress í dag. Valsa um allt húsið eins ég eigi það og allt hvað heita hefur. Sat eins og hver annar í stofunni og færði mig svo í eldhúsið og var bara eins og heima. Þurft reyndar að sofa í allt kvöld enda orðin smá þreytt en hvað er það á milli vina. Ef tíu daga fríin milli 11 daga gleðiglundurs verða svona góð þarf ég varla að kvarta mikið.

Ég fer á Lansann í fyrramálið og mig grunar nú að ég verði send  bara aftur heim nema þeim langi að stinga mig örlítið og taka úr mér blóð. Kannski ætla þeir að smella stálinu í mig á morgun og það verður bara fínt. Því fyrr sem því er komið fyrir því betra.

Þið fáið nú kannski að vita meira af því á morgun

Hef lítið sem ekkert meira krassandi að segja í bili

Sem sagt góður dagur í dag

Athugasemdir

[Anna Guðmunds á Patró. (IP-tala skráð) 5.12.2011 kl. 19:25]

Ég var að heyra af veikindum þínum fyrir stuttu, langaði bara að óska þér alls hins allra besta. 

[Sóley Veturliða (IP-tala skráð) 6.12.2011 kl. 08:42]

Bestu kveðjur til þín Ragna mín og megi góðu dagarnir verða sem flestir! Gott að heyra að þér líður aðeins betur! Kv frá Ísó!!