Dagur 17 - föstudagur

Vaknaði með hitann í morgun og var drifin í aðra lungnamyndatöku. Því var sálaður sá draumur í dós að ég færi í heimsókn heim í dag eins og ég var að vonast til að getað gert. Ekkert kom þó út úr lungnamyndatökunni og þegar leið á daginn lækkaði hitinn en þá spruttu út útbrot um skrokkinn sem eru trúlega vegna einhverrar töflu sem á að koma í veg fyrir að einhver önnur tafla geri usla í líkamanum út af einhverri enn annarri töflu sem á að laga meinsemdina svo ég var tekin af þeirri töflu og fékk aðra í staðinn:)

Nú er minni fyrstu lyfjameðferð af sex lokið eftir því sem ég kemst næst. Nú ætti ég að fara að komast í 10 daga frí þar sem ég mun vonandi vera eitthvað betri til heilsunnar.

Hárið virðist enn hanga fast við höfuðleðrið eftir þessa fyrstu lyfjameðferð þó svo að það sé kannski ekkert að marka. Það er þó nokkuð líflaust en lafir þó og stendur út í allar áttir eins og á argintætu en það er svosem ekkert nýtt.

Ef heilsan verður góð á morgun fæ ég að vera heima yfir daginn og það er svo dásamleg tilhugsun.

Læt í mér heyra meira á morgun

 

Athugasemdir

[Valdimar Samúelsson, 2.12.2011 kl. 20:55]

Það er kannski ekki mikil huggun í þessum orðum en vertu hughraust en vona að þú njótir frísins.

[Katrín, 2.12.2011 kl. 21:24]

Vona að þú komist heim á morgun, verkja- og hitalaus og með allt hárið:) Knús og kram:)

[Helga S. Ingimarsdóttir (IP-tala skráð) 2.12.2011 kl. 22:29]

Baráttukveðjur , stendur þig vel.

[Erla (IP-tala skráð) 2.12.2011 kl. 22:38]

 Þú kemst yfir þetta eins og allt annað það er þó hægt að setja greni á hausinn ef hárið dettur af. Bestu báráttukveðjur frá gamla genginu í Gaukshólunum.