Meðmælin

Meðmælabréfið hefur verið geymt í fjársjóðssafninu í áratugi enda eitt af því sem skipti sköpum á sínum tíma. Meðmælin hafa reyndar reynst ágæt heilræði þó svo að Vertinn hafi kannski ekki farið eftir þeim öllum stundum í einu og öllu þá hefur verið gott að hafa þau að leiðarljósi. Minningin um dvölina í Bjarnabúð hjá Bensa og Hiddu hafa ætíð vakið upp góðar minningar og samskipti okkar einkennst af gagnkvæmri virðingu alla tíð. Nú er Bensi Bjarna allur og góður maður genginn.

Bolungarvík 22. des. 1984

Ragna Jóhanna Magnúsdóttir 7147-7029 til heimilis að Miðstræti 15 Bolungarvík hefur starfað við verzlun mína í rúmlega 2 ár, á árunum 1982/1984.

Hún hefur reynzt prýðileg samstarfs. Áreiðanleg og örugg í störfum.

Lipur, hugkvæm og snyrtileg í umgengni.

Geðgóð, kurteis, glaðlynd í viðmóti og gædd góðlátlegri kímnigáfu. ( Ætti ekki að reykja).

Benedikt Bjarnason

 

Athugasemdir

[Sigurvin Guðmundsson (IP-tala skráð) 22.10.2010 kl. 01:32]

Sæl Ragna, flott meðmæli frá Bensa. Reyktiru á þessum tíma? Og var hann að meina í meðmælabréfinu að þú ættir ekki að vera að reykja?

[Ragna Jóhanna Magnúsdóttir , 22.10.2010 kl. 12:06]

Já sælir Sigurvin, ég reykti á þessum tíma en hætti því....og fór því eftir heilræðunum hans Bensa