Myndir frá forsetaheimsókn

Vertinum þykir tilhlýðilegt að birta fyrir ásjónu lesenda myndir sem teknar voru í forsetaheimsókninni hér nýlega en þá notaði Ólafur Ragnar tækifærið þegar hann kom til að snæða í Einarshúsi til að vera viðstaddur opnun Bolungarvíkurganga. Forsetinn fær ekki tækifæri svona dags daglega dags að fá að koma í þetta merka hús sorgar og gleði svo vænta má þess að honum hafa þótt það merkilegt nokk og trúlega hefur honum töluvert þótt til koma. Það var Halldór Sveinbjörnsson ljósmyndari hjá Bæjarins besta sem tók myndirnar sem birtar verða af þessari heimsókn hér á blogginu en innan um má sjá helstu ráðmenn þjóðarinnar og þótt víðar væri leitað. Vertinn ræður þó flestu innan veggja hússins og þó að engin mynd af títtnefndri leynist í þessu myndasafni kemur það ekki að sök í þessu sambandi. Forsetabíllinn sómir sér vel fyrir framan húsið eins og sjá má á myndinni og halda mætti að honum hefði lagt þar frá ómunatíð.

 Þarna má sjá þríeyki ráðherra, þingmanna og forseta metta eftir góðan málsverð.

Fleiri myndir má sjá á myndasafninu hér vinstra megin á síðunni

Athugasemdir

[lydur arnason (IP-tala skráð) 16.10.2010 kl. 02:17]

Ekki fer vegur hússins minnkandi, svo mikið er víst en hvaða ungi sveinn situr þarna til borðs með fyrirmennunum?

Kveðja,

LÁ

[Ragna Jóhanna Magnúsdóttir , 16.10.2010 kl. 22:52]

Það mun vera Guðmundur "framsóknarfýr" Steingrímsson þingmaður sem situr til borðs með þeim Ólafi og Ögmundi. Allt mætir menn.

Skilaðu svo kveðju til kellu....bærinn varla svipur hjá sjón eftir að þið fóruð. 

kv

r