Mikið um dýrðir í Einarshúsi um helgina

Mikið verður um að vera í Einarshúsi um komandi helgi. Kjallarakeppnin eða „pub-qiuz" hefst á ný á föstudagskvöldið kl. 21:00 og verður Kristinn H. Gunnarsson spyrill að þessu sinni.  Hann mun án efa ekki spyrja neins nema að vel ígrunduðu máli og keppendur verða því að vera vel með á nótunum og undirbúa sig vel. Biggi Olgeirs stígur á skokk laugardagskvöldið og spilar og syngur út í nóttina svo vænta má gleði og glaums í Kjallaranum.