Hugleiðing fyrir svefninn.

Mér finnst ég vera að svíkjast um, ekkert búin að blogga neitt í allan dag. Sumir dagar eru bara allt of stuttir og ég kemst ekki yfir að gera nærri allt sem mig langar til að gera. Ég held þetta hljóti að vera aldurinn.

Ég er svo sem búin að hafa nóg fyrir stafni þótt mér finnist ég stundum ekki koma neinu í verk. Bæjarráðið auk annara aðila sem hlut eiga að máli, átti fund með Rögnvaldi Ólafssyni fstm. stofnunar fræðaseturs Háskóla Íslands  þar sem hann kynnti hugmyndir um stofnun Fræðaseturs HÍ í Bolungarvík sem hefði það að meginmarkmiði að stunda og efla rannsóknir á náttúru,ferðamálum og atvinnu-og menningarsögu Vestfjarða. Þarna er verið að ræða um eina stöðu fræðimanns til að byrja með sem myndi vnna náið með Náttúrustofu Vestfjarða. Mjög gleðileg tíðindi. Ég bar fram súpu og brauð ofan í þessa gesti í Einarshúsi og stóð í þessu fram eftir degi.  

Verð að fara að halla mér og læt þetta duga í bili.

 

 

 

 

Athugasemdir

[Andri og Þórunn (IP-tala skráð) 26.1.2007 kl. 00:48]

Þú alltaf í hlutverki ambáttar í Einarshúsi og aldurinn farinn að færast yfir.  hljómar ekki mjög vel en gekk allt ekki bara vel?

kv. Andri og Þórunn

[Ragna Jóhanna Magnúsdóttir , 26.1.2007 kl. 11:49]

Jú þetta gekk allt eins og í sögu.  Blómkálssúpan þótti frambærileg og framreiðslan framúrskarandi Það vantar ekkert upp á egóið þótt aldurinn sé farinn að segja til sín.